Boeroes grawe ons op die landal op die Xamena se spoor,
smaak voorstebos toe – waterland!
Xjytjee se malvablom is pragtig
maar die knol is ryk en kragtig.
‘n Ander heerlikheid is ouroena.
Sy is ‘n niggie van djwa-djwas,
die is ietwat giftig, kan dalk pla.
Slymstok en bokhorinkies
is swaar gelaai met voedingswaarde
vir elke verslankingskuur op aarde.
Die bloedrooi Kootjie-nam-nam
dien dieselfde doel as “chewing-gum”
Kambrotjies groei graag tussen klippe
Eindresultaat? Afgelekte lippe.
Gekookte raap met melk is lekker
dit beaam elke lekker-bekker.
Geelryp Xoenebee is heerlik soet
dit weet elke plaaskind baie goed.
Xarra lank genoeg in melk laat lê
joghurt se moses, kan ek jul sê
al moet valstande heelwat lesopsê.
En veldkool die brediekos
maak mos alle stram ou litte los.
Namakkiesland! Jou veldkosplant!
Hou my karkas aan die brand.
